Moldovanın paytaxtı Kişinyovda fəaliyyət göstərən "Big Flash Sound" rok qrupu "Cücələrim" mahnsını ifa edib. Məşhur qrupun solisti Tatiana Turturean mahnını özü də Azərbaycan dilində oxuyub.
Xezerxeber.az məlumat verir ki, tələffüzündə bəzi problemlər olsa da müğənni sözləri aydın şəkildə tamaşaçılara çatdıra bilib. Qrup, mahnının ritminə və ahəngliyinə xələl gətirməmək üçün sözləri tərcümə etdirmədən səsləndirib.
Sözləri Tofiq Mütəllibova, musiqisi Qənbər Hüseynliyə aid olan "Cücələrim" mahnısı görünür Moldovada yetərincə məşhurluq qazanıb. Bəstə, artıq toyların da əvəzolunmazı hesab olunur.
Qrup, toy sahiblərinin repertuarlarındakı musiqilərdən əlavə "Cücələrim" mahnısını xüsuilə istədiklərini deyirlər. Mahnı ritmik üslubda olduğundan başda gəlinlə bəy olmaqla toya gələnlərin könlünü oxşayır. Sözlərini o qədər də anlamasalar da, toya gələnlər, musiqinin sədaları altında rəqs etməyi sevdiklərini bildiriblər.
Xezerxeber.az mövzu ilə bağlı daha ətraflı videomaterialı təqdim edir: