Zığ qəsəbəsində sürüşmə aktivləşib VİDEO

Suraxanı rayonu, Zığ qəsəbəsində sürüşmə zonası aktivləşib.

Xezerxeber.az-ın məlumatına görə, qəsəbənin Xanlar küçəsinin sakinləri deyirlər ki, ərazi sürüşmə zonası olsa da, borular partladığından kanalizasiya suları küçəyə axır. Bu hal isə vəziyyəti daha da gərginləşdirir. 

Sakinlər deyirlər ki, borular partlayandan sonra aidiyyəti qurumlara həm yazılı, həm də şifahi müraciət ediblər. Lakin aldıqları cavab onları qane etməməklə yanaşı, həm də qəzəbləndirib.

Məsələ ilə əlaqədar İri Şəhərlərin Birləşmiş Su Təchizatı Xidmətindən "Xəzər Xəbər"ə bildirildi ki, ərazidə mütəmadi sürüşmə halı baş verdiyinə görə boru yerindən sürüşür və xətdə qəza yaşanır. Xidmətdən o da qeyd edildi ki, sözügedən xətt yaxın vaxtlarda növbəti dəfə təmir olunacaq.

 Xezerxeber.az mövzu ilə bağlı daha ətraflı videomaterialı təqdim edir.