Avtomobil təkəri alarkən onun sürət indeksi də nəzərə alınmalıdır VİDEO

Hər təkərin təhlükəsiz istifadə oluna biləcəyi maksimal sürət var. Bu, təkərin yan divarında hərflərlə göstərilir.

Xezerxeber.az-ın məlumatına görə, ustalar hesab edirlər ki, yeni təkər alarkən sürücülər onun sürət indeksini də nəzərə almalıdırlar.

Usta Burçin Topal deyir ki, istehsalçı tərəfindən avtomobilin marka, model və çəkisinə görə hərflər düzgün qoyulur. Amma bəzən sürücülər təkər alarkən onun yalnız ölçüsünə fikir verirlər. Bu isə təhlükəsizlik baxımından risklidir.

Odur ki, təkər alarkən həm istehsal tarixi, həm də sürət indeksi nəzərə alınmalıdır. Bu, təhlükəsiz sürüş və təkərlərin uzunömürlülüyü baxımından vacibdir.

Xezerxeber.az mövzu ilə bağlı daha ətraflı videomaterialı təqdim edir.