“Xəzər” TV-nin serialı qonşu ölkələrdə yayımlanacaq VİDEO

Xəzər televiziyasının məşhur "Qayıdış" serialı xarici rəqəmsal platformada yayımlanacaq.

Xezerxeber.az xəbər verir ki, Azərbaycan televiziya məkanında böyük izləyici kütləsi qazanan serial beynəlxalq səviyyəyə yüksəlir. Serial yaxın günlərdə Qazaxıstan, Özbəkistan və Qırğızıstanda izləyicilərə təqdim ediləcək.

Serialın yayımlanacağı "Qfilm" platformasında nəinki Azərbaycanın, digər xarici ölkələrin filmləri də seçilərək qazax dilində tamaşaçılara təqdim edilir.

Qeyd edək ki, 32 bölümdən ibarət olan serial məcburi şəkildə ərə verilən qızın prototipi üzərində qurulub.

Xezerxeber.az mövzu ilə bağlı daha ətraflı videomaterialı təqdim edir.