Qubada evdə partlayış baş verib, xəsarət alan var VİDEO

Qubanın Alekseyevka kəndində, Bədiyar Babayevə məxsus fərdi yaşayış evində partlayış baş verib. Məlumat daxil olan kimi Quba Yanğından Mühafizə Hissəsinin qüvvələri əraziyə cəlb olunub. Xezerxeber.az-ın məlumatına görə,

alov yanğınsöndürənlər tərəfindən genişlənməsinə imkan verilmədən qısa müddətdə söndürülüb, ərazidə zəruri təhlükəsizlik tədbirləri görülüb.

Partlayış dalğasının təsirindən evə ziyan dəyib, dam örtüyünün yanar konstruksiyarı 40 kv.m. sahədə yanıb. Hadisə zamanı 62 yaşlı Qərənfil Babayeva müxtəlif dərəcəli yanıq xəsarətləri alıb. O, Quba Rayon Mərkəzi Xəstəxanasına çatdırılıb.

Quba Rayon Mərkəzi Xəstəxanasından "Xəzər Xəbər"ə bildirilib ki, xəsarət alan 62 yaşlı şəxs Təcili tibbi yardım bölməsinə hospitalizasiya olunub. Ona üzün, hər iki əlin və sağ diz oynağının I-II dərəcəli termiki yanığı diaqnozu qoyulub və xəstəxananın Travmatologiya şöbəsinə yerləşdirilib. Xəstəyə zəruri tibbi yardımlar göstərilib və hazırda müalicəsi davam etdirilir. Vəziyyəti orta-ağır qiymətləndirilir.

Xezerxeber.az mövzu ilə bağlı daha ətraflı videomaterialı təqdim edir.