Güclü külək bölgələrdə fəsadlar törədib VİDEO

Mingəçevirdə güclü külək irigövdəli ağacları qəbirlərin üzərinə aşırıb.

Xezerxeber.az-ın məlumatına görə, "Əli"qəbristanlığı kimi tanınan məzarlıqda küləyə tab gətirməyən 10-dan artıq ağac qəbirüstü abidələrin üzərinə aşıb.

Nəticədə şəhərin ən böyük qəbiristanlığındakı xeyli məzar daşı zərər görüb, 6 qəbirüstü abidə isə dağılıb.

Qeyd edək ki, qəbiristanlıqda 15 mindən çox məzar var.

Güclü külək Şəkidə də xeyli fəsad törədib. Rayonun Şəki, Cəyirli və Əliyar kəndlərində evlərin, Orta Zəyzid kəndində vətəndaşa məxsus yardımçı tikilinin, Aşağı Küngüt kəndində isə tövlənin dam örtüyü dağılıb. Həmçinin Şəki, Orta Zəyzid, Cəyirli və Bolludərə kəndlərində hasarlar aşıb.

Böyük Dəhnə, Köbər Zəyzid, Şəki, Baş Zəyzid və Suçma kəndlərində isə ağaclar aşıb. Küləyin yaratdığı fəsadların aradan qaldırılması istiqamətində tədbirlər həyata keçirilir.

Xezerxeber.az mövzu ilə bağlı daha ətraflı videomaterialı təqdim edir.