Yol qəzaları 3 nəfərin həyatına son qoydu, yaralılar var VİDEO

Cəlilabadda minik maşını ilə yük avtomobili toqquşub. Qəza nəticəsində sürücülərdən biri ölüb.

Xezerxeber.az-ın məlumatına görə, hadisə köhnə Ələt-Astara avtomobil yolunun Cəlilabad rayonundan keçən hissəsində qeydə alınıb.

Qəzada ağır xəsarətlər alan minik avtomobilinin sürücüsü - 59 yaşlı Göytəpə şəhər sakini Əyyub Əsədov ölüb, yük avtomobilinin sürücüsü, 33 yaşlı Orxan Səfərov isə yaralanıb.

Hadisə ilə əlaqədar TƏBİB-dən bildirilib ki, yük avtomobilinin sürücüsü Orxan Səfərova sol dizin travması diaqnozu qoyulub. Ona zəruri tibbi yardım göstərildikdən sonra ambulator müalicə üçün evə buraxılıb.

Abşeronda piyadaların vurulması ilə nəticələnən ağır yol-nəqliyyat hadisəsi baş verib. Hadisə "Vaz dairəsi" kimi tanınan ərazidən Saray qəsəbəsi istiqamətinə gedən yolda qeydə alınıb.

Avtomobil yolu keçən 56 yaşlı Polad Şeydayev və onun həyat yoldaşı 52 yaşlı Könül Şeydayevanı vurub. Qadın aldığı xəsarətlərdən ölüb. Yaralı Polad Şeydayev isə ağır vəziyyətdə xəstəxanaya çatdırılaraq reanimasiyaya yeləşdirilib.

Əraziyə Abşeron rayon Polis İdarəsinin əməkdaşları cəlb olunub. Sürücü saxlanılaraq məsuliyyətə cəlb edilib.

Hacıqabulda da avtomobil yolu keçmək istəyən piyadanı vuraraq öldürüb.

Hadisə rayonunun Pirsaat kəndi ərazisində baş verib. Minik avtomobili yolu keçmək istəyən 68 yaşlı Cəbrayıl rayon sakini Şəhla Əhmədovanı vurub. O, aldığı xəsarətlərdən dünyasını dəyişib.

Faktlarla bağlı araşdırmalar aparılır.

Xezerxeber.az mövzu ilə bağlı daha ətraflı videomaterialı təqdim edir.