Oğuzda bağçaya qaz verilmədiyindən uşaqlar soyuqda qalıblar VİDEO

Havalar soyuyandan bağçada istilik yoxdur.

Xezerxeber.az xəbər verir ki, söhbət  Oğuz şəhər 3 nömrəli körpələr evi-uşaq bağçasından gedir.

Valideynlərin sözlərinə görə, 4-5 qrupda 70 -ə qədər uşaq  var. Hazırda bağçaya qaz verilmədiyindən uşaqlar soyuqda qalıblar. Bəzi valideynlər  soyuqdan xəstələnən uşaqlarını bağçaya aparmır...

Onlar bildirir ki, rəsmi qurumlara müraciət ediblər... Hələki nəticə yoxdur...

Şəki-Zaqatala regional təhsil idarəsindən  "Xəzər Xəbər"ə  bildirilib ki,  adıçəkilən məktəbəqədər təhsil müəssisəsinin binasının maddi-texniki bazası mövcud standartlara cavab vermədiyindən bağçadakı uşaqlar sahibkar tərəfindən aidiyyəti üzrə bağışlanmış boş binaya köçürülüb. Həmin binanın Təhsil İdarəsinin balansına keçirilməsi üçün sənədləşmə işləri həyata keçirilir. Digər Aidiyyəti  dövlər qurumu ilə birgə səylər sürətləndirilib, zəruri tədbirlər görülməkdədir. Bina balansa alınandan sonra problem qaradan qaldırılacaq.

Xezerxeber.az mövzu ilə bağlı daha ətraflı videomaterialı təqdim edir.