Yük qatarlarının Yeni Suraxanıda dəqiqələrlə qalmasına səbəb nədir? - Açıqlama VİDEO

Yeni Suraxanıda son günlər yük qatarlarının dəmir yolunda dəqiqələrlə dayanması bu yolda maşınların uzun tıxacına səbəb olur.

Xezerxeber.az-ın xəbərinə görə, sakinlər deyirlər ki, son günlər bu dəmiryol keçidində qatarlar tez-tez dayanır və bu səbəbdən tıxac yaranır.

Vətəndaşlar əvvəllər burada belə halların az-az baş verdiyini, ancaq son günlər qatarların dəqiqələrlə yolda qaldığını bildirirlər.

Sakinlər deyirlər ki, yaranan bu vəziyyət ərazidə bəzi problemlərə səbəb olur.

Məsələ ilə bağlı "Azərbaycan Dəmir yolları" Qapalı Səhmdar Cəmiyyətindən “Xəzər Xəbər”ə bildirildi ki, Yeni Suraxanı qəsəbəsində yük qatarlarının dəmiryol keçidində dayanması aparılan təmir-tikinti işləri ilə əlaqəlidir.

Xezerxeber.az mövzu ilə bağlı daha ətraflı videomaterialı təqdim edir.