Avtobus zolağına icazə verilən saatda daxil olsa da, cərimələndi - DYP-dən AÇIQLAMA VİDEO

Avtobus zolağına icazə verilən saatda daxil olsa da, cərimələnib.

Xezerxeber.az-ın xəbərinə görə, sürücü Abdullayev Salman iddia edir ki, Dərnəgül prospekti ilə 20 yanvar metrostansiyası istiqamətində hərəkət edərkən avtobus zolağına daxil olub. 10: 00-dan 17: 00-a kimi zolağa girişə icazə olsa da, ona cərimə tətbiq edilib.

Salman Abdullayevin sözlərinə görə, bu cərimə səbəbindən avtomobili texniki baxışdan da keçirə bilməyib.

Məsələ ilə bağlı Bakı Şəhər Dövlət Yol Polis İdarəsindən "Xəzər Xəbər" bildirildi ki, vətəndaşın müraciəti əsasında araşdırma aparılıb.

Müəyyən edilib ki, sürücü icazə verilməyən vaxtda zolağa daxil olub. Elə buna görə də elektron qaydada protokol tərtib edilib.

Xezerxeber.az mövzu ilə bağlı daha ətraflı videomaterialı təqdim edir.