4 gün ərzində düşmənin 2300-dən artıq canlı qüvvəsi necə MƏHV EDİLDİ? VİDEO

30 sentyabr - vətən müharibəsinin 4-cü günü...

Xezerxeber.az xəbər verir ki, əks-hücum əməliyyatının başlandığı dörd gün ərzində düşmənin ümumilikdə 2300-dən artıq canlı qüvvəsi məhv edilib.

Qaraxanbəyli istiqamətində bütün nəzarətin ordumuzda olmasını düşmən qəbullanmaq istəmirdi.

Kənd uğrunda yenidən saatlarla davam edən döyüş başlayır.

Mühəndis-istehkam bölmələrinə isə Füzuli cəbhəsində bu istiqamətin ən çətin sədlərindən biri olan və "40 metr" kimi tanınan ərazinin açılması üçün tapşırıq verilir.

Keçid açmaq üçün tətbiq edilən ən yeni vasitələr isə Ermənistan hərbçilərini çaşbaş salır.

Sentyabrın 30-da Prezident, Silahlı Qüvvələrin Ali Baş Komandanı İlham Əliyev və birinci xanım Mehriban Əliyeva Ermənistanın hərbi təxribatları zamanı yaralanan və Mərkəzi Hərbi Klinik Hospitalda müalicə olunan hərbçilərlə görüşürlər. Dövlət başçısı vətən uğrunda döyüşən qəhrəmanlara təşəkkür edir.

İlk 4 gündə Ermənistan ordusunun 130-dək zirehli, 55-dən çox avtomobil texnikası, 200-dən artıq artilleriya qurğuları məhv edili. Təkcə sentyabrın 30-da isə 8 ədəd "Qrad" yaylım atəşli reaktiv sistemi sıradan çıxarılıb.

Xezerxeber.az mövzu ilə bağlı daha ətraflı videomaterialı təqdim edir.