Bakıda yeni asfalt qatı çəkilən yolda olan çatışmazlıqlar aradan qaldırılacaq? VİDEO

Bakıda yeni asfalt qatı çəkilən yolda hərəkətin təşkilində həm sürücülər, həm də piyadalar problemlə üzləşiblər.

Xezerxeber.az xəbər verir ki, söhbət paytaxtın Yasamal rayonu M. Müşfiq küçəsindən gedir. Sözügedən ərazidə asfalt-beton örtüyü yenilənəndən sonra məhəlləyə giriş-çıxş hissədə qırıq xətlər ləğv edilib. Bu da ərazidə yaşayan sakinlərin işini bir qədər çətinləşdirib. Daha doğrusu, yolunu uzadıb.

Yolda problem tək bu deyil. Asfalt örtüyü dəyişdikdən sonra yol cizgi xətləri və velosiped zolağı çəkilib. Amma piyada zolağından başqa. Piyadalar da yolun əks tərəfinə keçməkdə çətinliklə üzləşirlər. Baxmayaraq ki, nişan var, amma zolaq yoxdur.

Məsələ ilə bağlı Yerüstü Nəqliyyat Agentliyindən ''Xəzər Xəbər''ə bildirdilər ki, təmir yekunlaşan küçədə xətləmə işləri tam yekunlaşmayıb. Nişanların mövcud olduğu yerlərdə piyada zolaqları çəkiləcək. ''Hərəkət iştirakçıları ərazidə quraşdırılan nişanların tələblərinə riayət etməlidirlər''-deyə agentlikdən bildirildi''.

Xezerxeber.az mövzu ilə bağlı daha ətraflı videomaterialı təqdim edir.