Yeni avtomobil almaq istəyən Saatlı sakini həm maşından olub, həm də pulundan – TƏFƏRRÜATLAR VİDEO

Maşın almaq istədi həm avtomobilindən oldu, həm də pulundan…

Xezerxeber.az xəbər verir ki, Saatlı rayon sakini dələduzluqla üzləşdiyini iddia edir. Rayonun Gomuşçu kənd sakini Cavid Allahyarov yeni avtomobil almaq üçün Abşeron rayon Xırdalan şəhərində yaşayan Elçin Ağacanov adlı bir şəxslə danışıb. Razılığa əsasən o, Elçin Ağacanov adlı şəxsə öz idarə etdiyi VAZ-2106 markalı avtomobilini və 1880 AZN nağd pul verərək, bunun müqabilində isə Elçin Ağacanov ona kreditlə "Toyota Prius markalı" avtomobil verəcək idi.

Razılaşmaya əsasən, hər iki şəxs Xırdalan rayonu ərazisində görüşüblər və Cavid Allahyarov Elçin Ağacanovdan avtomobili təhvil alıb. Lakin, Elçin Ağacanov  maşınını sənədlərininin onda olmadığını bildirirərək bir həftə ərzində hazır edəcəyini deyib.

Cavid Allahyarov qeyd edib ki, ona qarşı dələduzluq edən Abşeron rayon sakini Elçin Ağacanov Saatlı rayon ərazisində başqa bir vətəndaşa qarşı da, eyni əməli törədib.

Vətəndaşın üzləşdiyi dələduzluq faktı ilə bağlı DİN-in mətbuat xidmətinin Şirvan regional qrupundan bildirildi ki, həmin faktla bağlı Saatlı RPŞ-də araşdırmalar aparılıb. Araşdırmalar zamanı hadisənin Abşeron rayonu ərazisində baş verdiyi məlum olub və müvafiq araşdırmaların davam etdirilirməsi üçün toplanmış materiallar aidiyyatı üzrə Abşeron RPİ-yə göndərilib.

Xezerxeber.az mövzu ilə bağlı daha ətraflı videomaterialı təqdim edir.