Mənzil bazarında durğunluqdur, amma qiymətlər enmir VİDEO

Çıxarışlı evlərə tələbat çoxalıb. Nəticədə evlərin qiyməti də artıb.

Dövlət Statistika Komitəsinin məlumatına görə, 2024-cü ilin mart-iyun aylarında ötən ilin müvafiq dövrü ilə müqayisədə mənzillərin orta qiyməti artıb. Yeni tikilmiş mənzillər 10.3 faiz, köhnə binalarda olanlar isə 9.2 faiz bahalaşıb.

Xezerxeber.az-ın məlumatına görə, əmlak eksperti Elnur Fərzəliyevin fikrincə, mənzil bazarında durğunluq olsa da, qiymətlər enmir.

Məsələn, 4 il öncə olan mənzil qiymətlərinə nisbətən hazırda evlərin bir kvadratı 500-600 manat baha təklif olunur.

Ekspert onu da əlavə etdi ki, həyət evlərində qiymət artımının səbəbi isə çıxarışlı evlərə tələbatın artmasıdır.

Xezerxeber.az mövzu ilə bağlı daha ətraflı videomaterialı təqdim edir.