Bağçada övladına şiddət göstərilən ana DANIŞDI: "Uşağım danışmır, bacarmırdılar götürməzdilər" VİDEO

Sosial şəbəkələrdə sabunçu rayonundakı uşaq bagçalarından birində azyaşlının tərbiyəçi tərəfindən döyülməsini əks etdirən görüntülər yayılıb.

Xezerxeber.az-ın xəbərinə görə, azyaşlının anası bildirib ki, onun özü də övladının döyülməsi haqda məlumatı sosial şəbəkə vəsitəsilə öyrənib.

Valideyn hadisə ilə bağlı hüquq-mühafizə orqanlarına müraciət edəcəyini bildirib.

Hadisə ilə bağlı Daxili İşlər Nazirliyi də araşdırmalara başlayıb. Nazirliyin Mətbuat Xidmətindən "Xəzər Xəbər"ə bildirildi ki, bağça rəhbərliyi və tərbiyəçi polisə dəvət olunub.

Məsələ ilə bağlı Bakı Şəhəri üzrə Təhsil İdarəsindən "Xəzər Xəbər"ə bildirildi ki, 310 nömrəli bağçada tərbiyəçi-müəllimin uşağa qarşı uyğunsuz davranışı ilə bağlı araşdırma aparılıb.

Təlim-tərbiyə prosesinə uyğun olmayan bu kimi halların yolverilməzliyi nəzərə alınaraq tərbiyəçi-müəllim vəzifəsindən azad edilib. Həmçinin əmək məcəlləsinin müvafiq maddəsinə əsasən bağça müdirinin səlahiyyətlərinə xitam verilib.

Xezerxeber.az mövzu ilə bağlı daha ətraflı videomaterialı təqdim edir.