Yaddaş gücləndirici dərmanlardan istifadə edənlərin sayı artıb – ARAŞDIRMA VİDEO

İmtahanda uğur qazanmaq üçün həm abituriyentlər, həm də tələbələr yaddaş gücləndirici dərmanlara üstünlük verirlər.

Xezerxeber.az xəbər verir ki, bu tendensiya son vaxtlar daha da artıb.

Abituriyentlərlə yanaşı bəzi valideynlər də övladlarına belə dərmanlar alırlar. Əczaçılar deyir ki, yaddaş gücləndirən dərmanlara tələbat artıb.

Ekspertlər isə xəbərdarliq edir. Yoxlamadan keçmədən bu dərmaların istifadəsi bir çox problemlərə yol aça bilər.

Səhiyyə Nazirliyinin mütəxəssis-eskperti  Zakir Quliyev isə bildirib ki, mikroelement, mineral vitamin çatışmazlığı, xroniki yorğunluq, stres xəstədə yaddaş probleminə gətirib çıxarda  bilir. Bəzi insanlar isə diqqətini toplaya  bilmədiyindən bunu  yaddaş problemi kimi  qələmə  verirlər. Bu zaman bəzən psixotrop dərmanlar belə qəbul edilir. Bu da bəzilərində sonradan asılılıq  yaradır. Yüksək dozada qəbul edildikdə isə gənclərdə daha ağır fəsadlara gətirib çıxara  bilər. Belə problemi olanlar mütləq şəkildə həkimə müraciət etməlidir.

Xezerxeber.az mövzu ilə bağlı daha ətraflı videomaterialı təqdim edir.