Görkəmli tarzən Əhsən Dadaşovun 100 illiyi çərçivəsində elmi-praktik konfrans keçirilib VİDEO

Bu gün Azərbaycan SSRİ-nin Əməkdar artisti Əhsən Dadaşovun 100 illiyi çərçivəsində "Sənətin Əhsən zirvəsi" adlı elmi-praktik konfrans keçirilib.

Xezerxeber.az-ın məlumatına görə, tədbirdə fitri musiqi qabiliyyətinə malik görkəmli tarzən Əhsən Dadaşovun zəngin yaradıcılıq yolu barədə məlumat verilib.

Kofrans iştirakçıları çıxışlarında bildiriblər ki, Əhsən Dadaşov musiqi folklorumuzu zənginləşdirən bir çox mahnı və rəqs havaları bəstələyib. Onun bəstələdiyi bir çox mahnılar bu gün də dillər əzbəridir.

Tədbirdə unudulmaz tarzənin səs və videoyazıları təqdim edilib.

Əhsən Dadaşov yaradıcılığının musiqi tariximizdə şərəfli yer tutduğu qeyd edilib.

Tədbirdə "Əhsən" xalq çalğı alətlərinin canlı ifası da maraqla qarşılanıb.

Qeyd edək ki, görkəmli tarzənin 100 illiyi çərçivəsində silsilə tədbirlər davam edəcək.