Bakıda sotu 1 milyon manata torpaq sahələri satılır VİDEO

Bakıda 1 sotu 400-500 min, hətta 1 milyon manata satılan torpaq sahələri var.

Xezerxeber.az-ın məlumatına görə, belə torpaq sahələri elan saytlarında satışa çıxarılıb.

Mövzu ilə bağlı danışan əmlak məsələləri üzrə ekspert Ramil Osmanlı deyib ki, sözügedən torpaq sahələrinin baha olmasının əsas səbəblərindən biri sənədlərinin qaydasında olması və mərkəzə yaxın yerləşməsidir.

Ekspert bildirib ki, fantastik qiymətə təklif olunan bu torpaq sahələrinə maraq çox yüksəkdir.

Qeyd edək ki, Bakıda ən bahalı torpaq sahələri Səbail və Nərimanov rayonlarındadır.

Xezerxeber.az mövzu ilə bağlı daha ətraflı videomaterialı təqdim edir.