Yol polisi əməkdaşının cəriməsi başqa sürücüyə göndərilib VİDEO

Yüksək sürətlə hərəkət edən başqa sürücünün cəriməsi Ucar sakininə göndərilib. Sonradan cərimənin yol polisinə aid olduğu məlum olub.

Xezerxeber.az-ın məlumatına görə, Qəhrəman Məmmədov 18 il əvvəl aldığı “VAZ-2106” markalı minik maşınını bu günə qədər etibarnamə ilə idarə edib.

Onun sözlərinə görə, bir il öncə qardaşına etibarnamə verib. Bundan sonra onun mobil telefonuna Bakı-Quba magisrtal yolunda sürət həddini aşdığına görə radara düşməsi ilə bağlı mesaj gəlib. Qəhrəman Məmmədov bundan sonra Ucar rayon polis şöbəsinin dövlət yol polis bölməsinə yaxınlaşıb. Araşdırma zamanı məlum olub ki, cərimə yol polisinə məxsusdur.

Qəhrəman Məmmədovun sözlərinə görə, başına gələnlər bununla bitməyib. Yenidən onun cərimələndiyi məlum olub. Amma bu dəfə  araşdırma üçün müraciət etsə də, cəhdləri boşa çıxıb.

Məsələ ilə bağlı Baş Dövlət Yol İdarəsi ilə əlaqə saxladıq. İdarənin inspektoru Elvin Hacıyev bildirdi ki, yol verilən qayda pozuntusu xususi texniki vasitənin köməkliyi ilə aşkar edilərkən texniki xəta səbəbindən şəxs barəsində yalnış qərar çıxarılıb: Məsələ tərəfimizdən araşdırılaraq texniki xəta aradan qalıdırılıb”.

Xezerxeber.az mövzu ilə bağlı daha ətraflı videomaterialı təqdim edir.