Rəsmi Bakı bölgədə ona qarşı təhdidlərin qarşısını ciddi şəkildə alacağını BƏYAN ETDİ VİDEO

Azərbaycan bölgədə ona qarşı təhdidlərin qarşısını ciddi şəkildə alacaq.

Xəbər verdiyimiz kimi, bunu  Xarici İşlər Nazirliyinin mətbuat katibi Ayxan Hacızadə Ermənistan Xarici İşlər Nazirliyinin son hərbi təxribatlar ilə bağlı bəyanatını  şərh  edərkən bildirib.

Ayxan Hacızadə deyib ki, Ermənistan tərəfinin son bir neçə gün ərzində müntəzəm şəkildə silahlı qüvvələrimizin bölmələrinə qarşı törətdiyi hərbi təxribatlardan, müxtəlif istiqamətlərdə hərbi qüvvələr cəmləşdirmək kimi addımlarından fikir yayındırmaq məqsədilə  ölkəmizi  təqsirləndirməsi qəbuledilməzdir.

XİN Rəsmisi bildirib ki, Ermənistan Konstitusiyasında, habelə bir sıra qanunvericilik aktlarında Azərbaycanın ərazi bütövlüyü və suverenliyinə qarşı davam edən iddialar, revanşizm cəhdlərinin mövcudluğu ölkəmizə qarşı Ermənistandan irəli gələn təhdidlərin miqyasını nümayiş etdirir.

Bəyanatda o da bildirilir ki, Ermənistanın sülh prosesinə ciddi yanaşdığını sübut etmək üçün ziddiyyətli bəyanatlar və təxribatçı addımlardan çəkinməli, beynəlxalq hüququn norma və prinsiplərinə hörmət etməlidir.

Xezerxeber.az mövzu ilə bağlı daha ətraflı videomaterialı təqdim edir.