Bakıda kuryoz oğurluqlar edən dəstə SAXLANILDI VİDEO

Xəbər verdiyimiz kimi, Avtomobili qarət etməkdə şübhəli bilinən şəxs saxlanıb.

Hadisə paytaxtın Nizami rayonu ərazisində baş verib. Zərərçəkmiş polisə məlumat verib ki, naməlum şəraitdə avtomobilindən bank kartı oğurlanıb. Araşdırmalarla cinayəti törətməkdə şübhəli bilinən əvvəllər məhkum olunmuş Taleh Nəzərov saxlanıb. Onun bu əməli ərazidə olan müşahidə kameralarına da düşüb.

Məlum olub ki, oğurluq edən şəxs həmin kartlardan 1110 manat çıxararaq nağdlaşdırıb. Hətta o həmin kartlarla alış-veriş də edib. Polisin məlumatına görə, onun üzərindən əlavə olaraq heroin də aşkarlanıb. Taleh Nəzərov ifadəsində oğurladığı pulu şəxsi istifadəsi üçün aldığı narkotik vasitələrə xərclədiyini bildirib.

Binəqədi rayonunda isə 800 manat dəyərində lotereya biletini açıq talama yolu ilə ələ keçirən, əvvəllər məhkum olunmuş Emin Səmədli, qardaşı Elvin və tanışları Anar Abdullazadə polis əməkdaşları tərəfindən saxlanıblar. Bu şəxslər "izi" itirmək məqsədilə qeyd edilən cinayəti törədən zaman hadisə yerinə icarəyə götürdükləri avtomobillə gediblər.

Hər iki faktla bağlı araşdırmalar davam etdirilir.

Xezerxeber.az mövzu ilə bağlı daha ətraflı videomaterialı təqdim edir.