Ruslan Pənahov Vətəndə – "Bilirdim ki, Prezidentimiz məni qısa zamanda xilas edəcək" VİDEO

Bir neçə gün əvvəl əlverişsiz hava şəraitində azaraq Ermənistan tərəfə keçən əsgər Ruslan Pənahov Azərbaycana təhvil verildi.

Xezerxeber.az xəbər verir ki, əsgər bu gün təyyarə ilə Heydər Əliyev Beynəlxalq aeroportuna gətirilib.

Hava limanında jurnalistlərə müsahibə verən əsgər vətənə qayıtdığı üçün çox sevincli olduğunu bildirib və dövlət başçısına təşəkkür edib.

Ruslan Pənahovun ölkəyə qaytarılması Azərbaycanın gücünü, regionda söz sahibi olduğunu bir daha göstərdi.

Xatırladaq ki, Ermənistanda hərbçimizə qarşı uydurma ittihamlarla cinayət işi açılmışdı. Ruslan Pənahov haqqında Ermənistan İstintaq Komitəsi guya təxribata cəhd, qanunsuz silah-sursat saxlama, irqi və dini dözümsüzlük zəminində adam öldürməyə cəhd maddələri ilə cinayət işi başlatmışdı.

Xezerxeber.az mövzu ilə bağlı daha ətraflı videomaterialı təqdim edir.