Qatar və avtomobil iki piyadanın həyatına son qoydu VİDEO

Teplovozun dəmir yolunun üzərinə çıxan piyadanı vurması ölümlə nəticələnib.

Xezerxeber.az-ın məlumatına görə, hadisə Tovuz stansiyasında baş verib.

"Azərbaycan Dəmir Yolları" Qapalı Səhmdar Cəmiyyətinin yaydığı məlumatda bildirilir ki, quruma məxsus teplovoz Tovuz stansiyasında hərəkətdə olarkən bir nəfər naməlum şəxs dəmir yolu xəttini müəyyən olunmayan yerdən qəfil keçməyə cəhd edib. Maşinist təcili tormozlama aparsa da, məsafə az olduğundan toqquşma qaçılmaz olub. Hadisə nəticəsində həmin şəxs dünyasını dəyişib.

Ölən şəxsin 58 yaşlı Azad  Mirzəyev olduğu müəyyənləşib. Meyit müayinə olunmaq üçün Məhkəmə Tibbi Ekspertiza və Potoloji Anatomiya Birliyinin Tovuz rayon şöbəsinə yerləşdirilib.

Şirvanda da piyadanın ölümü ilə nəticələnən yol-nəqliyyat hadisəsi baş verib. Şəhər sakini Hüseyn Quliyev ötən gecə idarə etdiyi minik avtomobili ilə yolu keçmək istəyən Rahil Novruzovu vurub. Ağır xəarət alan piyada xəstəxanaya çatdırılsa da, bir müddət sonra dünyasını dəyişib. Hər iki faktla bağlı araşdırma aparılır.

Xezerxeber.az mövzu ilə bağlı daha ətraflı videomaterialı təqdim edir: