"Aztelekom"a məxsus qüllə aşıb - vətəndaşa ziyan dəyib VİDEO

"Aztelekom" MMC yə məxsus qüllə küləyin təsirinidən aşaraq tikilinin üzərinə düşüb.

Xezerxeber.az-ın məlumatına görə, hadisə Qəbələnin Mıxlıqovaq kəndində baş verib.

Orada elektronika avadanlıqlarının təmiri ilə məşğul olan kənd sakini Yalçın Babayev deyib ki, 1 həftə əvvəl qüllənin aşması nəticəsində tikilinin içərisindəki avadanlıqlar da yararsız hala düşüb. Lakin hələ də məsələ ilə maraqlanan yoxdur.

Mıxlıqovaq kənd sakinləri hadisəyə səbəb kimi qüllənin dayağının pis olmasını göstərirlər.

Məsələ ilə bağlı "Aztelekom" MMC-dən "Xəzər Xəbər"ə bildirildi ki, dekabrın 27-də güclü külək nəticəsində Qəbələnin Mıxlıqovaq kəndində rabitə qülləsi aşaraq Yalçın Babayevə məxsus tikiliyə ziyan vurub. Qurum vətəndaşa dəymiş zərərin aradan qaldırılması istiqamətində işlər aparır. Tikili bərpa edilərək əvvəlki vəziyyətinə qaytarılacaq.

Xezerxeber.az mövzu ilə bağlı daha ətraflı videomaterialı təqdim edir: