Adına 5 şirkət açılıb, Ağcabədi rayon sakininə böyük məbləğdə vergi borcu gəlib VİDEO

Ağcabədi rayon sakini Kənan Quliyevin xəbəri olmadan adına 5 şirkət açılıb və 34 min manat vergi borcu yazılıb.

Xezerxeber.az-ın məlumatına görə, 25 yaşlı Kənan Quliyev bildirib ki, iş üçün müraciət etdiyi şəxslər onu aldadıblar, özünün xəbəri olmadan adına 5 şirkət açılıb.

Bir ildən sonra Kənan Quliyev məhkəmədən məktub alıb. Bu zaman adına 5 şirkət açıldığını və 34 min manatdan çox vergi borcu olduğunu öyrənib.

Məsələ ilə bağlı Dövlət Vergi Xidmətindən bildirilib ki, vətəndaş ilk olaraq qurumun xidmət mərkəzlərinə yaxınlaşaraq "Asan İmza" ilə bağlı əməliyyatları dayandırmalıdır. Həmçinin, hüquq-mühafizə orqanlarına müraciət etməlidir. Bildirilib ki, bu, vətəndaşı tam olaraq məsuliyyətdən azad etmir, lakin aparılan araşdırmalar və istintaq çərçivəsində saxtakarlığa yol verən şəxslər müəyyən ediləcək.

Xezerxeber.az mövzu ilə bağlı daha ətraflı videomaterialı təqdim edir: