Bank və ya digər qurumların adından vətəndaşlara saxta sms göndərilir.
Xezerxeber.az xəbər verir ki, fırıldaqçılar indi də belə üsula əl ataraq insanların pullarını və ya şəxsi məlumatlarını əldə edir.
Daxili İşlər Nazirliyinin mətbuat xidmətinin əməkdaşı Nurlan Əliyev deyir ki, vətəndaşların dələduzluğa məruz qalmamaları ilə bağlı məlumatlandırılması üçün mobil operatorlar vasitəsilə onlara SMS məlumatlar göndərilir.
Daxili İşlər Nazirliyinin əməkdaşı deyir ki, vətəndaşlar belə hallarla qarşılaşdıqda dərhal "102" Xidmətinə müraciət etsinlər.
Nurlan Əliyev onu da əlavə etdi ki, insanlara müxtəlif cinayət işlərinin iştirakçısı olmaqları haqqında göndərilən və ödəniş tələb olunan SMS-lərin, elektron poçt məlumatlarının və veb səhifələrdə çıxan bildirişlər də dələduzluq əməlidir.
Polis tövsiyyə edir ki, hər hansı qurum adından bu cür mesajlar aldıqda həmin məlumatın dəqiqliyini mesajda adıçəkilən qurumla dəqiqləşdirsinlər. Əks halda dəlduzların qurbanını ola bilərlər.
Xezerxeber.az mövzu ilə bağlı daha ətraflı videomaterialı təqdim edir: