Yeni tikilən yolda geridönmənin yerinin dəyişdirilməsi narazılığa səbəb olub VİDEO

Bir ildən çoxdur ki, tikintisi yekunlaşan Bakı-Şamaxı-Yevlax yolunun Şamaxı rayonunun ərazisindən keçən hissəsində yerləşən geriyə dönmə dairəsi sökülüb və yeri dəyişdirilib.

Xezerxeber.az-ın məlumatına görə, geriyədönmə yeri əvvəlki hissədən bir neçə kilometr aralıya çəkilib.

Yaxınlıqda yaşayan sakinlər isə bundan narazıdır. 

Sakinlər problemin tezliklə həll edilməsini, geriyə dönmə hissənin əvvəlki yerinə qaytarılmasını istəyirlər.

Məsələ ilə bağlı  Azərbaycan Avtomobil Yolları Dövlət Agentliyinin mətbuat xidmətinin rəhbəri Anar Nəcəfli bildirib ki, əraziyə baxış keçirilib. Təhlükəsizlik baxımından sözügedən ərazidə geridönmə hissənin yaradılması mümkün deyil. Bu barədə rəsmi olaraq vətəndaşlara da məlumat verilib.

Xezerxeber.az mövzu ilə bağlı daha ətraflı videomaterialı təqdim edir: