Ermənistan Cənubi Qafqazın ekologiyası üçün təhdidlər yaradır FOTO/VİDEO

Ermənistanda tərkibində kimyəvi maddələr olan sənaye tullantıları Araz çayına axıdılır.

Xezerxeber.az-ın məlumatına görə, Ermənistan bu su hövzəsini çirkləndirməkdən əl çəkmir.

Bununla bağlı yayılan görüntülər bu dövlətin Azərbaycana qarşı ekoloji terror törətdiyini bir daha təsdiqləyir.

Mövzu ilə bağlı danışan ekoloq Qəmzə Yusubova deyib ki, Ermənistan dağ - məndən sənaye tullantılarını bilərkdən Araz çayına axıdır. Onun sözlərinə görə, Ermənsitanın əraziləri çirkləndirməsi peyk görüntüləri vasitəsi ilə də sübut olunub.

Ekoloq qeyd edib ki, mövcud vəziyyətlə bağlı beynəlxalq təşkilatlar məlumatlandırılıb. Amma adekvat addımlar atılmadığına görə Ermənistan belə hərəkətlərinə son qoymur. Qəmzə Yusubova deyib ki, Ermənistan Cənubi Qafqazda ekologiya üçün təhdidlər yaradır.

Onun fikrincə, Ermənistanın bu əməlləri region üçün ciddi fəsadlara yola aça bilər.

Xezerxeber.az mövzu ilə bağlı daha ətraflı videomaterialı təqdim edir: