Bölgələrdə ağır qəzalar... qatarla traktor TOQQUŞDU... VİDEO

Gəncədə avtomobillə motosiklet toqquşub. Hadisə şəhərin Nizami Gəncə Prospektində Bayraq Meydanın qarşısında qeydə alınıb.

Qəza nəticəsində motosikleti idarə edən 17 yaşlı Nicat  Sadıqov xəsarət alaraq xəstəxanya yerləşdirilib. Həkimlərin səyinə baxmayaraq, onun həyatını xilas etmək mümkün olmayıb. O, bir neçə saatdan sonra  dünyasını dəyişib.

Faktla bağlı araşdırma aparılır.

Sabirabadda qatarla traktor toqquşub.

Yol-Nəqliyyat hadisəsi rayonun Xəlfəli kəndində Şirvan-İmişli dəmir yolu xəttində qeydə alınıb. Qorunmayan dəmiryolu xətti ilə kənd yolu kəsişməsini keçən ot presi daşıyan qoşqulu traktoru yanacaq daşıyan qatar vurub. Nəticədə traktorçu Xəlfəli kənd sakini, 35 yaşlı Bəhruz  Hümbətov hadisə yerində keçinib.

Tovuzda isə iki minik avtomobili toqquşub. Nəticə avtomobillərdən birinin sürücüsü 29 yaşlı Zeynalabdin Həsənov ağır xəsarət alıb. Yaralı dərhal təcili tibbi yardım maşını ilə Tovuz Rayon Mərkəzi xəstəxanasına çatdırılıb.

Bütün faktlarla bağlı araşdırmalar aparılır.