Əlverişsiz hava şəraiti fəsadlara səbəb olub VİDEO

Əlverişsiz hava şəraiti səbəbindən Zaqatala rayonunun mərkəzində, eləcə də Yuxarı Çardağlar, Car, Axaxdərə, Mazıx, Qəbizdərə, Göyəm, Aşağı və Yuxarı Tala kəndlərində ağaclar aşıb, elektrik naqilləri qırılıb.

Xezerxeber.az-ın məlumatına görə, elektrik enerjisinin verilməsində fasilələr yaranıb.

Tala, Katex, Balakən və digər çaylarda suyun səviyyəsi artıb və qısamüddətli sel keçib. Əkin sahələrinə, meyvə ağaclarına ciddi ziyan dəyib.

Hazırda dəymiş ziyanın qiymətləndirilməsi və fəsadların aradan qaldırılması üçün müvafiq qurumlar tərəfindən tədbirlər görülür.

Şəkidə isə Şin çayı daşıb. Sel suları xüsusilə Babaratma kəndində xeyli təsərrüfata ziyan vurub. Yollarda dağıntılar olub.

Aidiyyəti qurumların nümayəndələri fəsadların aradan qaldırılması işlərinə cəlb edilib.

Xezerxeber.az mövzu ilə bağlı daha ətraflı videomaterialı təqdim edir: