Bölgələrə "yumurta" böyüklüyündə DOLU YAĞIB... VİDEO

Zaqatalaya yağan dolu evlərə, avtomobillərə, təsərrüfata ciddi ziyan vurub.

Xezerxeber.az xəbər verir ki, yumurta iriliyinə qədər olan dolu rayonun Mazıx və Qəbizdərə kəndlərinə yağıb. Bir necə dəqiqə davam edən dolu nəticəsində evlərin dam örtükləri yararsız hala düşüb, avtomobillərin şüşələri sınıb.

Dolu meyvə və fındıq ağclarını yayarsız vəziyyətə salıb.

Güclü külək və dolu Balakəndə də fəsadlar törədib.

Bundan başqa sakinlərin həyətyanı sahəsindəki meyvə ağaclarına, bostan-tərəvəz bitkilərinə ciddi ziyan dəyib.

Şiddətli yağış, dolu Qəbələ rayonunda da fəsadsız ötüşməyib. Laza kəndinə gedən yol dağılıb, kəndlə əlaqə kəsilib. Vəndam, Zarağan kəndlərində həyətyanı təsərrüfatlara zərər dəyib.

Bu gün səhər saatlarında İsmayıllı rayonuna və dağlıq ərazilərə də leysan yağıb. Dağlardan gələn sel suları nəticəsində rayon ərazisindən keçən Girdiman, Göyçay və Cülyan çaylarında su həddindən çox artırıb. İsmayıllı -Lahıc  yolunun Girdiman çayı üzərindən keçən hissəsindəki avtomobil körpüsü üçün təhlükə yaranıb. Hazırda sel axını davam edir, körpünün dayaqları zədələnir, insanlar körpünün dağılma təhlükəsi ilə üz-üzə qalmasından narahatdır.

Sel səbəbindən İsmayıllı-Lahıc avtomobil yolu müvəqqəti bağlanıb.

"Bəs qeyri-sabit hava şəraiti nə vaxtadək davam edəcək?"

Milli Hidrometeorologiya Xidmətindən bildirilib ki, Sentyabrın 12-dək bəzi yerlərdə fasilələrlə leysan xarakterli yağış yağacağı, şimşək çaxacağı, dolu düşəcəyi ehtimalı var. Şimal-şərq küləyi güclənəcək, çaylarından qısamüddətli daşqın və sel keçəcəyi gözlənilir.

Xezerxeber.az mövzu ilə bağlı daha ətraflı videomaterialı təqdim edir: