Sumqayıtda rəngsaz işlədiyi ofisə HÜCUM ETDİ... TƏFƏRRÜATLAR... VİDEO

Sumqayıtda şirkət direktoruna hücum olub.

Xezerxeber.az xəbər verir ki, insident Bakı-Quba Yolunun 20-ci kilometrliyində yük maşınları parkında qeydə alınıb, 3 nəfər müxtəlif dərəcəli bədən xəsarətləri alıb. 

İddia edilir ki, hadisə avtomobil təmiri sexində bir müddət rəngsaz işləmiş şəxs tərəfindən törədilib.

“Hadisə anbaan təhlükəsizlik kamerasına düşüb.”

İddialara görə, 39 yaşlı Elton Qurbanov, "GOLD LOGİSTİCS MMC"-nin  direktoru Malik Vəliyevin ofisinə gələrək, əvvəlcə onunla mübahisə edib. Sonra qəfil ona və ətrafdakı insanlara hücum çəkib.

Şirkətin direktoru Malik Vəliyev bildirib ki, Elton Qurbanovun işi onları qane etməyib. Buna görə də sonradan onun fəaliyyətinə icazə verilməyib.

"İddia edilir ki, bundan hiddətlənən usta şirkətə hücum edib."

Əraziyə polis əməkdaşları cəlb olunub. Hadisəni törətməkdə şübhəli bilinən Elton Qurbanov bölməyə dəvət edilib.  Hadisə ilə bağlı Elton Qurbanov müsahibə verməsə də, şifahi olaraq bildirib ki, şirkət rəhbəri ilə aralarındakı mübahisə barədə polisə ətraflı məlumat verib.

Sumqayıt şəhər Polis İdarəsindən verilən məlumata görə, faktla bağlı araşdırmalar aparılır.

Xezerxeber.az mövzu ilə bağlı daha ətraflı videomaterialı təqdim edir: