Yol qəzaları iki nəfərin ölümünə səbəb oldu, 8 yaralı var VİDEO

Şəmkirdə avtomobil aşıb, ata ölüb, oğlu ağır xəsarət alıb.

Xezerxeber.az-ın məlumatına görə, hadisə Yasamal aşırımında qeydə alınıb.

Avtomobilin idarəetmədən çıxaraq aşması nəticəsində 1995-ci il təvəllüdlü Eldəniz Hüseynov ağır xəsarət alıb.

Onun atası Rövşən Hüseynov isə hadisə yerində dünyasını dəyişib. Yaralı ağır halda Gəncə şəhərində yerləşən xəstəxanaların birinə yerləşdirilib. Qəzaya avtomobilin təkərinin patlaması səbəb olduğu bildirilir.

Şamaxıda isə 18 yaşlı sürücü qəza törədib, hadisə nəticədə 1 nəfər ölüb, 3 nəfər xəsarət alıb.

Daxili İşlər Nazirliyinin mətbuat xidmətinin Şəki regional qrupundan bildirilib ki, Şamaxı-Çöl Göylər-Padar avtomobil yolunda hərəkətdə olan avtomobilin sürücüsü, 2005-ci il təvəllüdlü Sabirabad rayon sakini Fərhad Quliyevin idarəetməni itirməsi nəticəsində nəqliyyat vasitəsi yolun kənarına aşıb.

Xəsarət alan Fərhad Quliyev və avtomobildə olan üç sərnişin Sabirabad Rayon Mərkəzi Xəstəxanasına çatdırılsa da, göstərilən tibbi müdaxilələrə baxmayaraq sürücü orada vəfat edib. Faktla bağlı cinayət işi başlanıb.

Cəlilabad rayonunda isə 8 nəfərin xəsarət alması ilə nəticələnən avtomobil qəzası baş verib. Hadisə  köhnə Ələt- Astara maqistiral yolunun rayonun Qarazəncir kənd ərazisindən keçən hissəsində qeydə alınıb. 

Mikroavtobus  hərəkətdə olarkən  minik avtomobili ilə toqquşub.

Hadisə nəticəsində 8 nəfər müxtəlif dərəcəli xəsarət alıblar. Yaralılar Cəlilabad Rayon Mərkəzi Xəstəxanasına yerləşdiriliblər.

Qeyd edək ki, yaralılar ziyarətə gedirlərmiş.

Faktla bağlı araşdırma aparılır.

Xezerxeber.az mövzu ilə bağlı daha ətraflı videomaterialı təqdim edir: