Noutbuk və telefon girov qoymaqla pul götürmək mümkündür VİDEO

Lombardlara noutbuk və ayfon telefonları da girov qoymaqla borca pul götürmək mümkündür.

Bu cür elanlar lombardlar tərəfindən müxtəlif sosial şəbəkələrdə yayıblar.

Xezerxeber.az-ın məlumatına görə, iqtisadçı Eyyub Kərimli deyib ki qanunvericiliyə əsasən girova verilən əşyaların siyahısı ilə bağlı heç bir məhdudiyyət yoxdur. Burada əsas məsələ girov təqdim edən şəxsin həmin əşyaya  mülkiyyət hüququnu təsdiq edən əsas sənədinin olmasıdır.

Aydın məsələdir ki, qızıl-zinət əşyaları uzun müddət lombardlarda qalsa belə onlar elə olduğu kimi də geri verilə bilirdi. Ancaq noutbuk və mobil telefonlar müəyyən müddət sonra öz funksiyalarını itirsə, bu zaman lombardla girov sahibi arasındakı mübahisələr necə həll ediləcək?

Hüquqşünas Kamandar Hüseynov bildirir ki, girov götürülmüş əşya ilə bağlı vətəndaşa lombard bileti verilməlidir: “Amma təəssüf ki, bəzən bu qaydalar izlənilmir”.

Hüquqşünasın sözlərinə görə, sonradan neqativ halların yaşanmaması üçün vətəndaşlar lombardlarla girov qoyulan əşya ilə bağlı girov müqaviləsi bağlamalıdır.

Qeyd edək ki, hazırda lombardlar borca pulu 40 gün ərzində qaytarmaq şərti ilə 15 faizlə təklif edirlər. Yəni kimsə 1000 manat borca pul götürürsə, 40 gün ərzində lombarda 1150 manat ödəməlidir.

Xezerxeber.az mövzu ilə bağlı daha ətraflı videomaterialı təqdim edir: