Ağır yol qəzaları - ölənlər və yaralananlar var VİDEO

Bakı dairəvi yolunda dəhşətli qəza baş verib.

Xezerxeber.az-ın məlumatına görə, hadisə yolun 4-cü kilometrliyində qeydə alınıb.

Baş Dövlət Yol Polisi İdarəsinin məlumatına görə, qəza zamanı avtomobilin sürücüsü 32 yaşlı Namiq Seyidov yüngül xəsarət alıb, 32 yaşlı Səbinə Məhərrəmova isə həlak olub.

Tovuzda da ölümlə nəticələnən ağır yol qəzası baş verib.

Qəza Bakı-Qazax magistral yolunun rayonun Əlimərdanlı kənd ərazisindən keçən hissəsində baş verib. Körpü üzərində iki avtomobilin toqquşması nəticəsində avtomobillərdən birinin sürücüsü 38 yaşlı  Elçin Yaqubəliyev hadisə yerində dünyasını dəyişib. Bir nəfər isə xəsarət alıb və xəstəxanaya yerləşdirilib.

 Faktla bağlı araşdırma davam etdirilir.

Tovuzda başqa bir yol nəqliyyat hadisəsi isə piyadanın ölümünə səbəb olub. Hadisə  Tovuz Mərkəzi Rayon Xəstəxanasının yaxınlığında qeydə alınıb. Rayon sakini Faiq Vəliyev idarə etdiyi nəqliyyat vasitəsi ilə 54 yaşlı Camal Məmmədovu vurub. Həmin şəxs ağır vəziyyətdə xəstəxanaya aparılsa da, artıq dünyasını dəyişdiyi məlum olub. Faktla bağlı  araşdırma aparılır.

Xezerxeber.az mövzu ilə bağlı daha ətraflı videomaterialı təqdim edir: