Hacı Şahin dəfn olunub YENİLƏNİB-FOTO/VİDEO

Qafqaz Müsəlmanları İdarəsi (QMİ) sədrinin səlahiyyətli nümayəndəsi, din xadimi, "Mənəvi Dünya" Milli-Mənəvi Dəyərlərimizin Təbliği İctimai Birliyini təsisçisi və sədri Hacı Şahin Həsənli son mənzilə yola salınıb.

Xezerxeber.az xəbər verir ki, Məşədi Dadaş məscidində təşkil olunan vida mərasimindən sonra o, “Qurd qapısı” qəbiristanlığında dəfn edilib.

Dəfn mərasimində mərhumun yaxınları, ictimaiyyət nümayəndələri və tanınmış şəxslər iştirak ediblər.

14:07

Məşədi Dadaş məscidində Qafqaz Müsəlmanları İdarəsi (QMİ) sədrinin səlahiyyətli nümayəndəsi, din xadimi Hacı Şahin Həsənli ilə vida mərasimi keçirilir.

Xezerxeber.az xəbər verir ki, vətəndaşlar vida mərasimində iştirak etmək üçün Məşədi Dadaş məscidinə axın ediblər.

Qeyd edək ki, Hacı Şahin Həsənli gecə saatlarında ürəktutmasından dünyasını dəyişib.