Qəbul imtahanlarında iştirak üçün ödənişin məbləğinə güzəşt var VİDEO

Sabahdan ali təhsil müəssisələrinə və kolleclərə sənəd qəbulu başlanır.

Xezerxeber.az-ın məlumatına görə, bu il  ilk dəfə  ali təhsil müəssisələrinə ərizələrin qəbulu iki mərhələdən ibarət olacaq.

Dövlət İmtahan Mərkəzinin şöbə müdiri Xanlar Xanlarzadənin sözlərinə görə, hər imtahan mərhələsi üçün  ayrıca  qeydiyyat aparılacaq.

İlk mərhələ  martın 1- dən 15-dək həyata keçiriləcək. Bu mərhələdə cari ilin və əvvəlki illərin məzunu olmasından asılı olamayaraq bütün  abituriyentlər öz ərizələrini Dövlət İmtahan Mərkəzinin müvafiq elekron səhifəsində təsdiqləməlidirlər.

Sənəd qəbulu üzrə  ikinci mərhələ isə 2023-cü il aprelin 15-dən mayın 5-dək aparılacaq. Bu mərhələdə  isə  abituriyentlər öz  ixtisas qruplarını müəyyənləşdirəcək.  

Müsabiqənin ödənişli əsaslarla olduğuna diqqət çəkən Xanlar Xanlarzadə qeyd edib ki, bu il və əvvəlki illərdə hansı imtahanda iştirak etməyən abituriyentlər üçün müsabiqə  ödənişsizdir,  lakin ikinci dəfə cəhd edənlər üçün imtahan haqqı var. 

X.Xanlarzadə deyib ki, əvvəllər imtahan vermiş abituriyentlər (əvvəlki illərin məzunları ) imtahanın birinci mərhələsi üçün 45 manat ödəməlidirlər. Lakin Nazirlər Kabinetinin qərarı ilə 25 manat güzşt edilib. Beləliklə, həmin abituriyentlər 20 manat ödəniş etməklə öz ərizlərini təsdiq edə bilər.

Güzəştli kateqoriyaya gəldikdə isə, əlilliyi müəyyən edilmiş şəxslərin uşaqları, şəhid ailəsinin üzvləri, valideynlərini itirmiş və valideyn himayəsindən məhrum olmuş uşaqlar, məcburi köçkün statusu olan şəxslər, I və II dərəcə əlilliyi müəyyən edilmiş şəxslər, o cümlədən sağlamlıq imkanları məhdud 18 yaşınadək uşaqlar hec bir ödəniş etmədən öz ərizələrini təsdiq edə bilərlər.

Xezerxeber.az mövzu ilə bağlı daha ətraflı videomaterialı təqdim edir: