Gürcüstandakı soydaşlarımız etiraza qalxdı VİDEO

Gürcüstanda azərbaycanlıların yaşadığı Bolnisi rayonunun  Muşevani-Dəllər kəndində qızıl yataqlarının aşkarlanmasından sonra orada müvafiq işlərin aparılacağı sakinlərin böyük narazılığına səbəb olub. Soydaşlarımız bu səbəbdən etiraz aksiyası keçiriblər. Əməkdaşımız Almaz Nadiroğlu kənddə olub, mövcud durumla bağlı reportaj hazırlayıb.

Xezerxeber.az-ın xəbərinə görə, kənd sakinləri “Dağlarımızın üstü altından dəyərlidir” şüarı ilə aidiyyəti qurumlara etiraz edirlər. Sakinlərin bir qismi məsələnin həllini kəndin köçürülməsində görürlər. Onların sözlərinə görə, hasilat işlərinə start verildikdən sonra kənddə problemlər yaranacaq.

Bəzi sakinlər isə kəndin köçürülməsinin əleyhinədirlər, onlar sadəcə qızıl hasilatı ilə bağlı nəzərdə tutulmuş işlərin ləğv edilməsini tələb edirlər.

Məsələ ilə əlaqədar Bolnisi Şəhər İcra Hakimiyyəti ilə əlaqə saxladıq. İcra hakimiyyətinin mətbuat xidmətindən bildirildi ki, Dəllər kəndində aparılacaq işlərə dövlət tərəfindən icazə verilib. Hasilatı "RMG Gold" şirkəti həyata keçirəcək. Adıçəkilən şirkətlə əlaqə yaratmaq istəsək də, cəhdlərimiz nəticəsiz qaldı.

Xezexeber.az mövzu ilə bağlı daha ətraflı videomaterialı təqdim edir: