Laçın iqtisadi cəhətdən Azərbaycan üçün nə deməkdir? VİDEO

Laçın rayonu iqtisadi cəhətdən böyük potensiala malik bölgələrimizdən hesab olunur. Rayonun həm böyük turizm imkanları, həm də aqrar, eləcə də sənaye sektorunda müqayisəli üstünlükləri var. Təbii ehtiyyatları ilə fərqlənən rayonda emaledici sənaye üzrə istehsalın təşkili də mümkündür.

Millət vəkili Vüqar Bayramov deyib ki, Laçın şəhərinin tam nəzarətimizə keçməsi Azərbaycanın müasir tarixinin ən strateji hadisələrindən hesab olunur. Laçın şəhəri hər zaman ölkəmizin və regionun vacib yaşayış məntəqələrindəndir. Bu hadisə regionda yeni mərhələnin başlanması kimi xarakterizə olunur.

Təbii ehtiyyatları ilə fərqlənən rayonda emaledici sənaye üzrə istehsalın təşkili mümkündür.

Millət vəkili bildirib ki, ümumiyyətlə, işğaldan azad olunan rayonlarla bağlı kifayət qədər geniş miqyaslı vergi güzəştləri tətbiq olunması gözlənilir. Hətta sosial haqlarda belə subsidiya mexanizminin tətbiq edilməsi nəzərdə tutulacaq. Nəticədə rayonlarımıza, xüsusən də Laçına daha çox investisiyanın cəlb olunması gözlənilir.