Masallıdakı yanğın lokallaşdırılıb - YENİLƏNİB VİDEO

Masallı rayonunun Qəriblər kəndi yaxınlığında mürəkkəb relyefli dağlıq ərazidə baş vermiş yanğın lokallaşdırılıb.

Bu barədə Fövqəladə Hallar Nazirliyinin (FHN) Masallı Yanğından Mühafizə Xidmətinin rəisi Qabil Nehmətov məlumat verilib.

O bildirib ki, yanğının daha geniş ərazilərə yayılmasının qarşısı alınıb: "Hazırda 8204 ha meşə zolağından 5,5 ha yanıb. Yanğın zamanı əsasən Dəmirağacı, Palıd, Vələs və.s ağaclar yanıb. Hazırda yanğının hansı səbəbdən baş verməsi araşdırılır. Yanğın olan ərazi tam nəzarətə götürülüb".

XXX

Masallı rayonunun Qəriblər kəndi yaxınlığında mürəkkəb relyefli dağlıq ərazidə baş vermiş yanğının söndürülməsi istiqamətində Fövqəladə Hallar Nazirliyi tərəfindən zəruri və təxirəsalınmaz tədbirlər davam etdirilir.

Xezerxeber.az xəbər verir ki, bu barədə FHN məlumat yayıb.

Məlumata görə, ümumilikdə yanğınla mübarizə tədbirlərində FHN-in Dövlət Yanğından Mühafizə Xidməti, Mülki müdafiə qoşunları, Xüsusi Riskli Xilasetmə Xidməti, Cənub Regional Mərkəzinin müvafiq qüvvələri və Aviasiya dəstəsinin iki ədəd helikopteri, habelə Ekologiya və Təbii Sərvətlər Nazirliyi Meşə Təsərrüfatı Mərkəzi və yerli icra hakimiyyətinin əməkdaşları iştirak edir.

Hazırda yanğınsöndürmə işləri davam etdirilir.