Xankəndidə partlayış silahların gizli saxlandığı yerdə baş verib YENİLƏNİB/VİDEO

Xankəndi şəhərində partlayışın yeri və səbəbləri barədə yeni məlumatlar ortaya çıxıb.

Xezerxeber.az APA-ya istinadən xəbər verir ki, erməni bloger Roman Baqdasaryan “Teleqram” hesabında 1 il əvvəl də eyni yerdə partlayış baş verdiyini yazır.

“Bura bir il əvvəl partlayış olan yerdir. Qarabağ klanının nümayəndələri burada gizli qumbaralar və hər cür oğurlanmış silah saxlayırdılar. Həmin vaxt bu fakt gizlədildi.

Görünür ki, qumbaraların bir hissəsi hələ də burada saxlanılırmış. Dərzi sexi gizli silah saxlama yeridir?” – deyə Baqdasaryan yazır.

14:46

Azərbaycanın Xankəndi şəhərində güclü partlayış olub.

Xezerxeber.az xəbər verir ki, bununla bağlı videogörüntülər yayılıb.

Məlumatda oksigen avadanlıqları sexində yanğın baş verdiyi, nəticədə yüksək təzyiq atında olan balonların partladığı bildirilir.