Neftin qiyməti ilə bağlı YENİ XƏBƏR VİDEO

İki günlük qiymət artımından sonra dünya bazarında neft korreksiya çərçivəsində ucuzlaşıb.

Birjalara əsasən görmək olur ki, Şimal dənizində hasil olunan "Brent" neftinin oktyabr fyuçersləri 0,47 % ucuzlaşaraq 1 bareli 99,13 ABŞ dollarına satılıb. Əvvəlki iki gün ərzində "Brent" nefti 3,39 %, bahalaşmışdı.

 Neft Araşdırmaları Mərkəzinin rəhbəri, ekspert  İlham Şaban bildirib ki, qiymətlərin bu qədər qeyri-stabil olmasının səbəbləri müxtəlifdir. Burada həm siyasi, həm də iqtisadi məsələlər var.

Ekspert siyasi gedişlərin, Rusiya-Ukrayna müharibəsinin də gedişatının neftin qiymətinə təsirini vurğulayaraq Azərbaycan neftinin vəziyyətinin qənaətbəxş olduğunu qeyd edib.

Ekspert neftin azalmasını nəzərə alaraq neftdən əldə olunan gəlirin sürətli şəkildə qeyri-neft sektoruna yönləndirilməsinin də vacibliyini vurğulayıb.