Yol polisləri körpənin həyatını belə xilas etdi ANBAAN VİDEO

Postda  xidmət aparan yol polisi əməkdaşları gözləmədikləri bir hadisə ilə qarşılaşıblar. Yoldan keçən maşınların birində uşaqlarının vəziyyətinin pisləşdiyini bilən valideynlər  polisə müraciət ediblər. Polis əməkdaşları həyəcandan özlərini itirən ata və ananı, qıcolma keçirən uşağı patrul maşını ilə təcili xəstəxanaya çatıdırblar.

Azyaşlının vəziyyəti qəfildən pisləşir. Valideynləri təşvişə düşür.

Yaxınlıqda xidmət aparan yol polisi əməkdaşları dərhal köməyə çatır. Hadisə Abşeron rayonu ərazisində yaşanıb.

Bakı-Quba yolu ilə hərəkət edən avtomobillərin birində olan uşaq qəfildən qıcolma keçirib. Bu zaman valideynlər Yol Patrul Xidməti Alayının 1-ci tağımının əməkdaşları olan Şükür İsgəndərov və Kənan Nəzərliyə  müraciət ediblər. Polis əməkdaşları dərhal hərəkətə keçib.

Polisə əməkdaşları Şükür İsgəndərov və Kənan Nəzərli bildirir ki, xidməti maşında onları apararkən valideynləri özlərini itirimişdilər. Onlarla söhbətləşərək ana və atanı sakitləşdiriblər. 

Xəstəxanaya aparılan azyaşlıya dərhal həkim müdaxilə edib. Hazırda körpənin həyatı üçün heç bir təhlükə yoxdur.