Aşura günündə qanvermə aksiyası keçirilib VİDEO

Bu gün Hicri Qəməri təqvimi ilə Məhərrəm ayının 10-cu günüdür. Yəni Aşuradır. Minlərlə insan bu gün məscidlərə üz tutaraq qanvermə aksiyasına qoşulublar. Qanvermə aksiyasında iştirak vətəndaşlar bu addımı müsbət qarşılayıblar.

Aşura mərasimi ilə bağlı insanlar bu gün səhər saatlarından Təzəpir məscidinə axın etməyə başlayıb. Məsçidlərə gələnlərin təhlükəsizliyini qorumaq məqsədilə ilə DİN-in əməkdaşları da gücləndirilmiş iş rejimində fəaliyyət göstərib. Sıxlığın qarşısını almaq məqsədi ilə insanlar məsçidə bir-neçə istiqamətdən buraxılıblar. Buna baxmayaraq qanvermə məntəqələrinin qarşısında uzun növbə yaranıb. Məntəqələrə üz tutanlar aksiyaya qoşulmaq üçün növbə gözləyib. Aksiyaya qoşulan vətəndaşlar bu prosesin həm sağlamlıq üçün faydalı, həm də bu qandan faydalanacaq şəxslər üçün müsbət addım olduğunu bildiriblər.

Qeyd edək ki, respublika üzrə 6 məsçid və ziyarətgahda, habelə 8 səhiyyə müəssisəsində qanvermə aksiyası keçirilib. Son məlumatlara əsasən ümumilikdə 1893 nəfər könüllü olaraq qan verib.