Goranboyda piyadanı maşın vurub öldürdü - Sürücü qaçdı VİDEO

Goranboyda avtomobil piyadanı vuraraq öldürüb. Hadisəni törədən sürücü isə ərazidən qaçıb.  Sumqayıtda da piyadanın ölümü ilə nəticələnən yol-nəqliyyat hadisəsi baş verib.

Goranboyda 75 yaşlı Gəncə sakinini avtomobil vuraraq öldürüb. Hadisə Bakı-Qazax avtomagistralının rayon ərazisindən keçən hissəsində qeydə alınıb. 

Gəncə şəhər sakini 1947-ci il təvəllüdülü Mirzə Kazımovu yolun digər tərfinə keçən zaman avtomobil vurub. Ağır bədən xəsarətləri alan piyada xəstəxanaya çatdırılsada onun dünyasını dəyişdiyi məlum olub. Qeyd edək ki, qəza törədən sürücü hadisə yerindən uzaqlaşıb. Fakta bağlı araşdırma aparılır. 

Sumqayıtda da piyadanın ölümü ilə nəticələnən yol-nəqliyyat hadisəsi baş verib. Hadisə şəhərin Koroğlu prospektində qeydə alınıb. Yolu keçmək istəyən 1970-cı il təvəllüdlü Rövşən Allahverdiyevi  avtomobil vurub. 52 yaşlı piyada aldığı xəsarətlərdən hadisə yerində dünyasını dəyişib. Meyit müayinə olunmaq üçün aidiyyatı üzrə təhvil verilib. Faktla bağlı araşdırma aparılır.