Azərbaycanda epidemioloji vəziyyət yaxşılaşır - Toylarla bağlı məhdudiyyətlər tam ləğv edilə bilərmi? VİDEO

İyulun 1-də toyların keçirilməsi ilə bağlı qadağa qüvvədən düşdükdən sonra keçirilən toylara hər masada maksimum 6 masa olmaqla, ümumilikdə ən çox 150 qonaq qəbul etmək icazəsi verilir. Artıq ölkəmizdə koronavirus göstəricilərində rəqəmlər yaxşılığa doğru dəyişir. Sağalanlar artır, yoluxanlar azalır, ən əsası da vaksinasiyaya cəlb olunanların ümumi rəqəmlərdə xüsusi çəkisi artıb. Belə olduğu təqdirdə növbəti yumşaldılmalarda toylarla bağlı məhdudiyyətlərin aradan qaldırılması və ya dəyişdirilməsi gözləntiləri yaranır. Bu yumşalmanı isə ən çox övladına toy etmək istəyən valideynlər gözləyir.

Xezerxeber.az-ın məlumatına görə, şadlıq evlərinin işçiləri də valideynlər qədər gözlənti içindədir. Onlar növbəti yumşalmanın toyun qonaqlarının sayı ilə bağlı olacağı təqdirdə qiymətlərin də ucuzlaşacağını deyir.

Millət vəkili Müşfiq Məmmədli oktyabrın 7-də Milli Məclisin Sosial-siyasət komitəsində mövcud durumla bağlı dinləmələrin olacağını və bu iclasda da müxtəlif təkliflərin səsləndirilə biləcəyini deyib.

Qeyd edək ki, toylarla bağlı ilk qadağa 2020-ci ilin martın 15-dən tətbiq edilib və 1ildən artıq davam edib.

Xezerxeber.az mövzu ilə bağlı daha ətraflı videomaterialı təqdim edir: