Lənkəranda və Biləsuvarda ağır yol qəzaları baş verib, ölənlər var VİDEO

Lənkəranda ölümlə nəticələnən yol-nəqliyyat hadisəsi baş verib.

Xezerxeber.az-ın məlumatına görə, qəza rayonun  Nərimanabad qəsəbəsi ərazisində qeydə alınıb.

Lənkəran istiqamətində hərəkətdə olan avtomobil yoldan çıxaraq çökəkliyə aşıb. Nəticədə sürücü  Məzahir Ağayev  hadisə yerində ölüb. Avtomobildə xəsarət alan sərnişin, Liman şəhər sakini 37 yaşlı Fariz Sadıqov təcili yardımın köməyi ilə Lənkəran Rayon Mərkəzi Xəstəxanasına çatdırılıb və reanimasiya şöbəsinə yerləşdirilib. Məzahir Ağayevin meyiti isə  müayinə olunmaq üçün Məhkəmə Tibbi Ekspertiza və Patoloji Anatomoya Birliyinin Lənkəran rayon şöbəsinə təhvil verilib.

Biləsuvar rayonunda da ölümlə nəticələnən yol qəzası baş verib. 25 yaşlı Fərid Həsənli idarə etdiyi  motosikletlə  yolun  qarşı  tərəfinə keçmək  istəyən rayon sakini,  59 yaşlı  İradə Əhmədovanı vurub. Yaralı  Biləsuvar Rayon Mərkəzi Xəstəxanasına çatdırılsa da, onun həyatını xilas etmək mümkün olmayıb.

Faktla bağlı araşdırma aparılır.

Xezerxeber.az mövzu ilə bağlı daha ətraflı videomaterialı təqdim edir: