Ağstafa və Yardımlıda qətl hadisələri törədilib VİDEO

Ağstafada dostlar arasında yaranan mübahisə qanla bitib.

Xezerxeber.az-ın məlumatına görə, rayonun Köçəsgər kəndində kafelərin birində kənd sakinləri 50 yaşlı Müşfiq Zeynalov həmkəndilsi Sabir Məmmədovla içki məclisində mübahisə ediblər.

Bu zaman Müşfiqin qardaşı 40 yaşlı Yaşar Yusifov onları sakitləşdirmək üçün masaya yaxınlaşıb. Bundan sonra mübahisə daha da genişlənib. Sərxoş vəziyyətdə olan Sabir Müşfiqi vurmaq istəyən zaman Yaşar onların arasına girib.

Bıçaq zərbələrindən biri Yaşarın ürək nahiyəsindən dəyib. O, aldığı xəsarətlərdən hadisə yerində dünyasını dəyişib. Müşfiq isə kürək nahiyəsindən aldığı xəsarətlərlə xəstəxanaya yerləşdirilib. 35 yaşlı Sabir Məmmədov şübhəli şəxs qismində tutularaq istintaqa cəlb edilib. Hazırda Ağstafa Rayon Prokurorluğunda istintaq tədbirləri davam etdirilir.

Yardımlıda isə 22 yaşlı gənc  həmkəndlisi tərəfindən odlu silahla qətlə yetrilib. Silahlı insident rayonun Arvana  kəndində baş verib. 33 yaşlı Asif Ağayev aralarında yaranan mübahisə zamanı  həmkəndlisi  22 yaşlı  Nəsrəddin Sətizadənin sinə nahiyəsinə ov tüfəngindən atəş açaraq onu qətlə yetirib. Asif Ağayev şübhəli şəxs qismində tutularaq istintaqa cəlb edilib. Hadisə ilə bağlı Yardımlı Rayon Prokurorluğunda cinayət işi başlanıb. Hazırda istintaq davam edir.

Xezerxeber.az mövzu ilə bağlı daha ətraflı videomaterialı təqdim edir: