"Qarabağ"ı lider edən qələbə VİDEO

Bu gün Azərbaycan Premyer Liqasında III tura yekun vurulub.

Günün ilk matçında “Sumqayıt” “Səbail”in qonağı olub.

Oyun meydan sahiblərinin qələbəsi ilə başa çatıb - 1:0.

Tura mərkəzi qarşılaşma ilə yekun vurulub. “Neftçi” əzəli rəqibi “Qarabağ”ı qəbul edib. Oyun qonaqların qələbəsi ilə başa çatıb - 2:1.

Bu görüşdə “Qarabağ”ın yeni transferi İbrahima Vadji ilk qollarını vurub. Seneqallı hücumçu 21 və 45-ci dəqiqələrdə fərqlənərək dubl edib.

Bu nəticədən sonra “Qarabağ” bu turadək lider olan “Sumqayıt”ın məğlubiyyətindən istifadə edib liderliyə yüksəlib. Hazırda “Qarabağ” və “Qəbələ”nin 7 xalı var. Top fərqində Ağdam komandası üstündür.

12 sentyabr 2021. Saat 20:30. “Bakcell Arena”, 3300 tamaşaçı
Baş hakim: Rəşad Əhmədov
Baş hakimin köməkçiləri: Cavanşir Yusifov, Rahil Ramazanov
Dördüncü hakim: Kamal Umudlu
Hakim-inspektor: Anar Salmanov
AFFA nümayəndəsi: Məmmədəli Məmmədov
Sarı vərəqələr: Mert Çelik, 36 (qeyri-idman hərəkəti); İsmayıl Zülfüqarlı, 65 (qeyri-idman hərəkəti); Ramon Maçado, 71 (qeyri-idman hərəkəti); Xəyal Nəcəfov, 87 (qeyri-idman hərəkəti) // Kevin Medina, 56 (qeyri-idman hərəkəti); Qara Qarayev, 78 (qeyri-idman hərəkəti)
Qollar: Emin Mahmudov, 47 // Vadji İbrahima, 21, 45
Artırılan vaxt: I hissədə yoxdur; II hissədə 3 dəq.