Sabirabad və Ağsuda ağır qəza: Ölən və yaralananlar var VİDEO

Sabirabad rayonunda ölümlə nəticələnən yol-nəqliyyat hadisəsi baş verib. İki minik avtomobilinin toqquşduğu qəzada 1 nəfər ölüb, 4 nəfər isə xəsarət alıb. Ağsuda da baş verən qəza can alıb. 

İki avtomobilin toqquşduğu  qəza ölümlə nəticələnib.

Ağır yol nəqliyyat  hadisəsi  Sabirabad rayonunun Yastıqobu kəndinin ərazisində baş verib. 30 yaşlı Xaçmaz rayon sakini  Rövşən Ramazanovun  idarə etdiyi minik avtomobili hərəkətdə olan zaman Ağdam rayon sakini 28 yaşlı  Əli Baxşəliyevin idarə etiyi  minik avtomobili ilə toqquşub. Nəticədə,  Rövşən Ramazanovun avtomobilində olan sərnişin 30 yaşlı  Elşən Ağayev hadisə yerində keçinib.

Hər iki sürücü, eləcə də sərnişinlər - 25 yaşlı Sədi Baxşəliyev və 28 yaşlı  Şəfaqət Baxşəliyeva müxtəlif dərəcəli bədən xəsarətləri alaraq xəstəxanaya yerləşdirliblər..Faktla bağlı araşdırma aparılır.

Ağsuda da ölümlə nəticələnən yol qəzası baş verib. Hadisə Ağsu-Kürdəmir-İmişli yolunun rayonun Muradlı kəndi ərazisindən keçən hissəsində qeydə alınıb. Belə ki, rayonun Ərəbsarvan kənd sakini 1992-ci il təvəllüdlü Elçin Bağırovun idarə etdiyi minik maşınının qarşısına qəflətən iribuynuzlu heyvan çıxıb. Sürücü idarəetməni itirib və avomobil yol kənarında oturaq vəziyyətdə olan muradlı kənd sakini 1965-ci il təvəllüdlü Asif manafovu vurub. Asif manafov hadisə yerində dünyasını dəyişib. Faktla bağlı araşdırma aparılır.